Monday, September 1, 2008

انا زي ما انا ؟ ولا اتقسمت اتنين؟؟

قول ياللي في المراية
هتعمل ايه لو نمت يوم وصحيت
بصيت
وشفت نفسك في المراية بكيت
جواك سؤال تصرخ تقول انا مين ؟
انا زي ما انا؟ ولا اتقسمت اتنين ؟
وبعدين ؟
قول ياللي في المراية
فهمني ايه الحكاية
فرحان ؟ تعبان ؟ مرتاح؟
لما ... حاجات كتير في حياتنا
اتسببت في حيرتنا
وادينا عايشين
راضيين
جايين
ورايحين

هتعمل ايه لو نمت يوم وصحيت
ولقيت
أقرب ماليك في الدنيا مش حواليك
هو انت مين اللي عمل كدا فيك ؟
مش انت ولا في حد غمي عنيك؟
وبعدين
قول ياللي في المراية
فهمني ايه الحكاية
فرحان ؟ تعبان ؟ مرتاح؟
لما ... حاجات كتير في حياتنا
اتسببت في حيرتنا
وادينا عايشين
راضيين
جايين
رايحين

9 comments:

Anonymous said...

كل عام وانت بألف خير انت وجميع افراد اسرتك الكريمة .... الموضوع يا دكتور جميل وكما تعودنا ديمآ على موضوعاتك الشيقه ... تحياتى وتقديرى

AbdElRaHmaN Ayyash said...

:D
ياه يا ضاكتور
اوعا تكون دخلت الفيلم !!!
~:D ابلغ عنك بقى

شادي أصلان said...

أول مرة أجي هنا واعتقد انها مش هتكون الاخيره

بالنسبة بقي للسؤال فأنا أول ما هصحي والاقي نفسي فيا كل دا اعتقد اني هنام تاني لحد ما الاقي حل
:)

أحمد سعيد بسيوني said...

بسم الله الرحمن الرحيم

معذرة على الخروج عن الموضوع

ولكن
نكسة مصرية جديدة
في العاشر من رمضان 1429هـ
10/9/2008
على مدونة البحر
www.ana-elbahr.blogspot.com

نشرف بزيارتكم

تحياتي

أختكم فى الله said...

دى اول زيارة ليا لمدونة حضرتك

ما شاء الله لا قوة الا بالله

انا سعيدة جدا بزيارتها

اسمحلى امون من متابعيها

وبعد اذن حضرتك اضفتها عندى فى المفضلة

كل سنة وحضرتك طيب

تقبل مرورى

Anonymous said...

طول ما انت لم تحدد ..انت مين..طول ما هتكون اتنين..وطول ما هتكون اتنين ..طول ما هتكون محتار ولن تصل الي هدف ..
- ما جعل الله لرجل من قلبين في جوفه
- كما حسم الكلام مع الكافرين ب " قل يا ايها الكفرون لا اعبد ما تعبدون"
- لقد علمنا الحسم..وهناك مواقف الحياه التي علينا ان نتخذ فيها القرار ..ولن تنفع في هذا الوقت مسك العصاه من المنتصف ..فلن تكن النتيجه اللا التاخير ..وفوات الفرص .

مـــروة كمــال said...

بوركت موهبتك ..تدوينة رائعة

جزاكم الله خيرا

شيماء الجمال said...

لما شفت الأغنية عملت زيك كدة و ممسكتش نفسي و طتبتها في البلوج

أسماء علي said...
This comment has been removed by the author.