Thursday, July 5, 2007

لما تضيق الدنيا عليّا






لما تضيق الدنيا عليّا

لما بينزل دمع عنيّا

لما جراحي تجرّح فيّا

أرجع ليك وأقول يارب




يارب كل ما نفسي تكبر وتنسي نفسها

فكرني بضعفي وفكرني بضلالي وبعدي عنك

يارب كل ما نفسي تكبر في احساسها بنفسها

فكرني انا كنت قد ايه وزحفت علي الارض قد ايه

يارب أنا مش عارف ليه قلبي بيبعد والدنيا بتاخده

رغم اني عارف ان الدنيا زايلة ومفيهاش خلود

ومفيش حاجة في الدنيا تستاهل أتعلق بيها

يا رب فكرني دايما لما انسي

يارب اغسل قلبي اللي عششت فيه الدنيا

يارب ما تخلنيش ضعيف قدام الشيطان

خليني اقدر عليه واهزمه دايما

يارب خلي قلبي ما يشيلش الا الحب للناس

يارب ساعدني اسعد كل البشر وامسح دمع اليتامي والمحرومين

يارب خليني نور ينور بلدنا اللي تعبت أوي من الفساد والظلم

يارب اديني كتير كتير من رزقك عشان اساعد المحتاجين واخلي المحزونين يضحكوا

يارب خليني سبب في اسعاد كل من حولي

يارب لما اجيلك كن بي رؤوف حليم غفور لذنوبي

يارب أملي أنك تعفوا عني كبير أوي ومش بيصغر

يارب احسن ختامي وخلي كل الناس تفتكرني بعد ما
اموت بالخير وتدعي لي

يارب اعني علي البلاء ان كتبته عليّ

ولا تجعلني أركع أبدا لظالم







ولا تجعلني أنافق أبدا مثل المنافقين

يارب انا عبدك وانت ربي

فكيف يفعل الرب بعبده

اذا أتاه الا الكرم والاحسان

يارب كل من أحب بارك فيهم وقهم شر نفوسهم

يارب كل شارد عن الطريق رجعه ليك تاني

يارب مفيش حد غيرك أرجعه له

يارب

يارب

يارب

بحبك أوي

1 comment:

فـــدوى said...

ماشاء الله رائعة الكلمات يا دكتور مصطفى ربنا يكرمك ويزيدك